中島美雪《世情》，向不甘隨波逐流、不願妥協的人致敬

註: 最近22/2/2015收到下列歌詞中譯者透過FB來信息，據資深歌迷說原本歌詞並無既定立場，把政府、社會與學者（社運份子）都批判了，請看此連結，希望以正 中島美霜雪 創作原意。http://blog.sina.com.tw/miyuki/article.php?pbgid=26056&entryid=629859

而 添馬男 之撰文亦有點捉錯用神了。在此特別提出一下..........

*******************************

世局紛流
不斷變化
唯有不屈服的人
願意思索那其中可悲的一面
若問何事
不曾改變
便是在失序的時候
從不曾缺少的那代罪羔羊
眾人的聲浪
川流不息
只求那永不改變的夢能夠繼續
力阻時勢的變動
為求那永續的夢
和袖手旁觀的傢伙
力抗到底
世上有許多膽怯的貓
散播著沒有同理心的謊言
謊言如同繃帶纏繞無盡
一一被智者識破
彷佛早已看穿過無數次地不足為奇

80年代初聽中島美雪《世情》，原來此歌亦係有「毒」，係日本 60年代青年學運「全共鬥」一首輓歌，向不甘隨波逐流、不願妥協的人致敬......

轉貼報紙原文: 中門大開：退化
2011年10月20日

近藤真彥來港開演唱會，仲有野村義男，睇怕好快又會見到田原俊彥。 80年代係日本流行文化入屋年代，初中小息傳閱《好時代》雜誌，無良同學竟然撕走栢原芳蕙泳衣海報，大家好氣憤。暑假後新學期人人剪個孖池髮型，一邊鏟短頭髮豎起，一邊垂下前額，仲用唔太準嘅日文唱孖池名曲《歎息的 Rockabilly》。嗰陣迷 Matchy比今日迷木村拓哉勁好多， 80年代日本歌星百花齊放，有宅男偶像栢原芳蕙、小泉今日子，才女型有五輪真弓、中島美雪，妖男有澤田研二，前 衞電子音樂有松武秀樹、坂本龍一。
可惜歷史不一定係向前，可以係向後倒退。
今日電台中已唔會再聽到中島美雪嘅歌，當日首《世情》，只在 YouTube搵到，中學時以查日文字典來認識中島美雪詩一樣的歌詞， 30年後到今日仍然無法忘記。

音樂影響世界觀
90年代多謝商台俞琤，令電台不再以音樂為主，這是一大錯失，因為好多音樂係時代歷史反映，後生仔世界觀好受音樂影響。黃家駒首《抗戰二十年》成為了六四 20周年紀念曲，多少 80後受此歌感動，投身社會運動。外國年輕人好多受 U2樂隊 Bono影響，關心起南美人權狀況、非洲債務及核電安全。流行文化就係通識來源，使乜好似今日中學生要上堂、考試，仲荒謬到補習通識。
流行音樂其實好政治，反建制、反權威，仔聽完 Pink Floyd首本名曲《 Another Brick In The Wall》，睇完《 The Wall》，返學上堂仲會唔會咁乖聽老師點， 80年代初聽中島美雪《世情》，原來此歌亦係有「毒」，係日本 60年代青年學運「全共鬥」一首輓歌，向不甘隨波逐流、不願妥協的人致敬。
可惜今日電台廣播反智當道，人人開咪亂噏當明星，係唔係都狂笑就當交貨，連政府台也如是。
但最近無厘頭搵到好嘢，在試播數碼台竟然聽到有湯正川打碟專播英文歌，睇訪問原來大班仲請咗伍家廉、陳海琪、顏聯武，我話一不做二不休，不如搵埋盧業媚、曾路得一於玩鋪勁，總好比乜嘢鄭裕玲加少爺占或貴花田加梁榮忠正常得多，至少都似番個專業廣播節目。

添馬男