新光戲院要簽三年月付七十萬租約

香港真係越來越荒謬，在北角的新光戲院業主以七十萬一個月租金，而且要簽約三年條件續租予經營新光戲院的香港聯藝機構。現時新光戲院的月租為20萬8千元，甘加法係三倍幾，係度演演粵劇來收門票一定蝕到喊，一場粵劇可以實際收入收多少，大家心中有數。甘又就算特區政府民政事務局局長曾德成今早表示，政府會破例撥公帑，加上社會贊助，每月最少提供20萬租金資助新光營運。但計算落依然要跑五十萬一個月交租，點計都一定好大鑊。

老實，三年成二千七百多萬租金，真係益哂業主，今天市道不是看好，假如丟空新光也根本租唔出，唯一係拆建搞地產，但粵劇沒有了新光戲院不等於玩完，依然可以租其他場地。其實政府如果甘支持粵劇文化，撥塊地給 八和會館 蓋間永久劇院兼訓練中心便一爐永逸，而且興建費除政府大水喉外亦 八和會館 可向民間募捐，一定沒有問題的，那日後生死便要看 八和會館 自己運作了，唔好再係度又會長搞花邊、條數又唔清唔楚甘，香港市民是精明的，不精明的只是那些高官，八和會館 一班粵劇精英到時就唔可以唔精明再扮慘做苦主角色扮演了。

最近，裁判署古蹟給予老外藝術學院，不給 八和會館，阿姐流淚則似乎有點含小農醋味了，八和會館 根本食唔落這件大茶飯，維修保育可是很要經驗和人才的，不是演幾場神功戲便能解決的科技層面問題，至於一些報導說人家老外藝術學店賺錢的言論，更加是荒謬反智，辦學院不能賺錢的嗎？難道伸手問人資助慘兮兮的才叫是藝術嗎？能有盈利是精於計算和管理，是理性和求存之道，否則空有好好什麼文化理念亦徒然，一定必須有財力支撐理想。再者粵劇已經久沒有扭轉其賺錢能耐和方向，八和會館 再不引進現代商業管理企業模式而依然如早年傳統中國幫會式文化營運，則一切最終只會是一事無成，被殘酷無情的香港業主玩死，和被現實功利社會淘汰，right？

.