昆布海草大生地煙茜根煲瘦肉湯

購買瘦肉，再去中藥店執 :
昆布、海草、大生地、煙茜根

講明煲湯用，煲幾多次便執幾多包,回家浸洗，會發大，都幾多砂，注意多洗幾番
瘦肉出水，放大煲熱水中同材料煲，加兩粒蜜棗,轉細火，幾個小時後飲湯時加海鹽調味 ,只飲湯去渣. 功效清熱了解毒，對濕疹和暗瘡有好療效，啖火核淋巴腺肚結核亦有效，活血解瘀,涼性湯水，飲酒肝熱者宜，體虛寒者不合.

發覺砂多來自乾海草，研究下日本新鮮海草會否同味,日本海草無砂。

這湯已故老媽常煲，自細便念材料給我聽，植腦中忘不了一味湯，可能飲不少，我們一家人無瘡瘡或大出暗瘡。今一煲，久違了的深墨綠湯，飲回童年記憶。