香港搞邊科，野豬成災禍

香港搞邊科，野豬成災禍。官僚正是禍源，新界村民狩獵申請忽由簡變繁，終於野豬成患。電視都影到一群一群又大又細，真是令人以為是舊日新聞片段。

今年香港又罕有遇地震，又有龍捲風，年尾又新界跑出野豬，似乎學阿媽輩講，唔係好時年。你信邪就信，唔信亦只好稱怪異。

其實好多是人為的，官僚行徑就是香港特區越來越嚴重問題。成日老掂香港市民，話天星個鐘太舊難維修，今日就給英國來修大笨鐘工匠踢爆，零件充足和維修毫無困難，起碼可行多二百年，真是政府威信掃地。

園主提議，既然大陸豬肉問題多多，不如大量捉野豬來屠宰賣市場，是補身野味又本地又安全，但千萬別穿紅色制服背心去狩捕，野豬兄弟姊妹最討厭紅色刺激，分分鐘抄晒班官僚落落馬州。